భాగస్వాములుగా కలిసి జీవించడం, స్వలింగ సంపర్కులు లైంగిక సంబంధాలు పెట్టుకోవడం నేరంగా పరిగణించాలని, ఇది భారతీయ కుటుంబానికి తగదని కేంద్రం స్పష్టం చేసింది. భర్త, భార్యల సహగమనం నుండి పుట్టిన పిల్లలతో అనైతిక లైంగిక చర్య పోల్చదగినది కాదని కేంద్ర ప్రభుత్వం సుప్రీంకోర్టుకు తెలిపింది. స్వలింగ వివాహానికి గుర్తింపు కోరుతూ అభ్యర్ధనలను వ్యతిరేకిస్తూ సుప్రీంకోర్టుకు అఫిడవిట్ దాఖలు చేసింది. స్వలింగ వివాహం సామాజిక నైతికత, భారతీయ తత్వానికి అనుగుణంగా లేదని అఫిడవిట్లో కేంద్రం నొక్కి చెప్పింది.
తమకు నచ్చిన వ్యక్తిని వివాహం చేసుకునే హక్కును కోరుతూ సుప్రీంకోర్టులో ఒక పిటిషన్ దాఖలైంది. హైదరాబాద్‌లో నివసిస్తున్న ఇద్దరు స్వలింగ సంపర్కులు సుప్రియో చక్రవర్తి, అభయ్ డాంగ్ ఈ పిటిషన్ని దాఖలు చేశారు. వేర్వేరు ప్రాంతాల నుంచి వచ్చిన ఇట్లాంటి ఫిర్యాదులపై సుప్రీంకోర్టు ధర్మాసనం విచారణ చేపట్టింది. కాగా, దీనిపై కేంద్ర ప్రభుత్వ వివరణ కోరగా.. అఫిడవిట్ని దాఖలు చేసింది.
అఫిడవిట్లో కేంద్ర ప్రభుత్వం వివాహం అనే భావన తప్పనిసరిగా అనివార్యంగా వ్యతిరేక లింగానికి చెందిన ఇద్దరు వ్యక్తుల మధ్య కలయికను సూచిస్తుందని, ఈ నిర్వచనం సామాజికంగా, సాంస్కృతికంగా.. చట్టబద్ధంగా వివాహం యొక్క ఆలోచన, భావనలో పాతుకుపోయిందని తెలిపింది. న్యాయపరమైన వివరణ ద్వారా కుటుంబ వ్యవస్థకు ఇది భంగం కలిగించకూడదని, పలుచన చేయకూడదని ఆ అఫిడవిట్లో కేంద్రం స్పష్టం చేసింది.
మన సమాజంలోని సభ్యుల భద్రత, మద్దతు, సాంగత్యం కోసం.. పిల్లలు కనడం, వారి పెంపకంలో కూడా ముఖ్యమైన పాత్రను అందించే భారతదేశంలోని ముఖ్యమైన సామాజిక సంస్థలు వివాహం.. కుటుంబం అని అఫిడవిట్ పేర్కొంది. భారత శిక్షాస్మృతిలోని సెక్షన్ 377ను నేరరహితం చేసినప్పటికీ, దేశ చట్టాల ప్రకారం స్వలింగ వివాహానికి ప్రాథమిక హక్కుగా పిటిషనర్లు క్లెయిమ్ చేయలేరని కేంద్రం నొక్కి చెప్పింది.
చట్టసభ చెల్లుబాటును పరిగణనలోకి తీసుకోవడంలో సామాజిక నైతికత యొక్క పరిశీలనలు సంబంధితంగా ఉన్నాయని అఫిడవిట్ పేర్కొంది. భారతీయ తత్వాల ఆధారంగా అటువంటి సామాజిక నైతికత, ప్రజల ఆమోదాన్ని నిర్ధారించడం.. అమలు చేయడం శాసనసభకు సంబంధించిన విషయంగా తెలిపింది.
జీవసంబంధమైన పురుషుడు, జీవసంబంధమైన స్త్రీ మధ్య వివాహం వ్యక్తిగత చట్టాలు లేదా క్రోడీకరించబడిన చట్టాల ప్రకారం.. హిందూ వివాహ చట్టం 1955, క్రిస్టియన్ వివాహ చట్టం 1872, పార్సీ వివాహం.. విడాకుల చట్టం 1936 లేదా ప్రత్యేక చట్టాల ప్రకారం జరుగుతుందని కేంద్రం తెలిపింది. వివాహ చట్టం 1954, లేదా విదేశీ వివాహ చట్టం 1969 ని కోట్ చేసింది.
