ఆర్టికల్ 370 రద్దు అనేది కేంద్ర ప్రభుత్వం తీసుకున్న నిర్ణయమని సర్వోన్నత న్యాయస్థానం స్పష్టం చేసింది. ఆర్టికల్ 370 రద్దుపై పార్లమెంటు నిర్ణయాన్ని కొట్టి పారేయలేమని సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్ నేతృత్వంలోని ఐదుగురు సభ్యుల రాజ్యాంగ ధర్మాసనం ఎట్టకేలకు సంచలన తీర్పును వెలువరించింది.
జమ్మూ కాశ్మీర్‌కు ప్రత్యేక ప్రతిపత్తి కల్పించే ఆర్టికల్ 370 రద్దు చేస్తూ కేంద్ర ప్రభుత్వం తీసుకున్న నిర్ణయంలో తాము జోక్యం చేసుకోలేమని సుప్రీంకోర్టు ఈ సందర్భంగా స్పష్టం చేసింది. ఈ తీర్పును సీజేఐ జస్టిస్ డీవై చంద్రచూడ్ చదివి వినిపించారు. ఈ సందర్భంగా ఆర్టికల్ 370 రద్దు చేస్తూ కేంద్రం తీసుకున్న నిర్ణయం రాజ్యాంగ బద్దమేనని స్పష్టం చేసింది.
ఈ ఆర్టికల్ 370 రద్దు కేసు విచారణలో భాగంగా రాజ్యాంగ ధర్మాసనంలో ఉన్న ఐదుగురు జడ్జిలు 3 రకాలు తీర్పులు వెల్లడించారు. దీంతో రాజ్యాంగ ధర్మాసనంలోనే భిన్నమైన తీర్పులు వెల్లడయ్యాయి. ఈ సందర్భంగా ఆర్టికల్ 370 రద్దుపై కేంద్ర ప్రభుత్వం తీసుకున్న నిర్ణయాన్ని సుప్రీంకోర్టు సమర్థించింది.
ఈ నేపథ్యంలోనే కేంద్రం తీసుకున్న నిర్ణయంలో జోక్యం చేసుకోలేమని స్పష్టం చేసింది. కశ్మీర్‌కు ప్రత్యేక సార్వభౌమాధికారం లేదని సుప్రీంకోర్టు స్పష్టం చేసింది. కాశ్మీర్ భారత్‌లో అంతర్భాగం అయినపుడు ప్రత్యేక హోదాలేమీ లేవని పేర్కొంది. జమ్మూ కాశ్మీర్‌కు ఉన్న ప్రత్యేక రాజ్యాంగం కేవలం కేవలం రాజ్యాంగ వెసులుబాటుకోసమేనని వెల్లడించింది.
రెండు ఉద్దేశాల కోసమే ఆర్టికల్ 370 ఏర్పాటైందని గుర్తు చేసింది. ఆరోజు ఉన్న ప్రత్యేక పరిస్థితులు, యుద్ధం కారణంగా ఆర్టికల్ 370 ని తీసుకురావాల్సి వచ్చిందని పేర్కొంది. తాత్కాలిక అవసరాల కోసమే ఆర్టికల్ 370 ని ప్రవేశపెట్టారని ఈ సందర్భంగా సుప్రీంకోర్టు వెల్లడించింది.
కేంద్రం తీసుకునే ప్రతీ చర్యను సవాల్‌ చేయకూడదని ఆర్టికల్ 370 రద్దును వ్యతిరేకించే పక్షాలకు హితవు పలికింది. ఈ సందర్భంగా ఆర్టికల్ 370 ని రద్దు చేస్తూ కేంద్ర ప్రభుత్వం తీసుకున్న నిర్ణయం సరైందేనని పేర్కొంది.
ఈ ఆర్టికల్ 370 రద్దు అంశంపై సీజేఐ నేతృత్వంలోని ఐదుగురు సభ్యుల ధర్మాసనం సుదీర్ఘ విచారణ జరిపి తీర్పును గతంలోనే రిజర్వ్ చేయగా తాజాగా సోమవారం వెలువరించింది. ఈ ఐదుగురు సభ్యుల రాజ్యాంగ ధర్మాసనంలో సీజేఐ జస్టిస్ డీవై చంద్రచూడ్, జస్టిస్ సంజయ్‌ కిషన్‌ కౌల్‌, జస్టిస్
