జంతువుల సంరక్షణ, పర్యావరణ వనరుల పరిరక్షణ, ఆరోగ్యకరమైన జీవనం కోసం అత్యధిక శాతం మంది శాకాహారాన్ని ఎంచుకునేవారు. సంస్కృతి, సాంప్రదాయాలను అనుసరిస్తూ శాకాహారాన్ని మాత్రమే తీసుకునేవారు ఉన్నారు. ఇటీవల కాలంలో కర్బన ఉద్గారాల నియంత్రణతో పాటు ఆరోగ్యకరమైన జీవన శైలి కోసమంటూ ప్రత్యేకంగా కొందరు శాకాహారం వైపు మొగ్గుచూపుతున్నారు.
అయితే భారత్ తో సహా ప్రపంచ వ్యాప్తంగా శాకాహారుల సంఖ్య తగ్గుతున్నట్లు పలు సర్వేలు స్పష్టం చేస్తున్నాయి. ఐరోపా లేదా బ్రిటన్‌ దేశాలలో వీరి సంఖ్య తగ్గుతోంది. స్టాటిస్టా గ్లోబల్‌ కన్జ్యూమర్‌ సర్వే ఓ నివేదికను విడుదల చేసింది. ప్రపంచ వ్యాప్తంగా శాకాహారం క్షీణిస్తోందని నివేదికలో పేర్కొంది.
ఉదాహరణకు భారత్‌లోనూ సాంప్రదాయక శాకాహారులు కూడా ఆహారం కోసం రెండు విధానాలను పాటిస్తున్నారు. మాంసాహారాన్ని కూడా తీసుకుంటున్నారు. 2018/2019 పట్టణ భారతీయులలో మూడొంతుల మంది తాము శాకాహారులమని పేర్కొనగా, 2021/2022 నాటికి ఈ సంఖ్య దాదాపు నాలుగింట ఒకవంతుకు తగ్గింది.
గత మూడేళ్లలో శాకాహారం జనాదరణ పొందినప్పటికీ కొన్ని దేశాల్లో మాంసాహారాన్ని ఇష్టపడే వారి సంఖ్య పెరుగుతోంది. మెక్సికో, స్పెయిన్‌లలో శాకాహారుల రేటు ఇటీవల 3 శాతం కంటే తక్కువగా ఉన్నట్లు సర్వే పేర్కొంది. 2018/2019లో శాకాహారుల రేటు 3 శాతం దగ్గర ఉండగా, దక్షిణ కొరియాలో కూడా ఇంచుమించు ఇదే శాతం నమోదైంది. 2018/2019లో శాకాహారుల రేటు 0.9 శాతం నుండి పెరిగింది.
మరోవంక, ఒక తాజా అధ్యయనం ప్రకారం, పాలతో కూడిన శాఖాహార ఆహారం కంటే రోజుకు ఒక భాగం మాంసంతో కూడిన ‘ఫ్లెక్సిటేరియన్’ ఆహారం తక్కువ కార్బన్ పాదముద్రను కలిగి ఉంటుందని వెల్లడైంది.
అమెరికాలోని బాల్టిమోర్‌లోని జాన్స్ హాప్‌కిన్స్ విశ్వవిద్యాలయం చేసిన పరిశోధన ఆహారం, వాతావరణ మార్పుల గురించి ఈ అంశాలను వెల్లడించింది.
ఇది దాదాపు 140 దేశాల్లోని అన్ని ప్రధాన ఆహారాల పర్యావరణ ప్రభావాన్ని రూపొందించింది. శాఖాహార ఆహారానికి మారే వారు మంచి కంటే ఎక్కువ హాని చేస్తారని నిర్ధారించారు. మాంసాహారాన్ని విడిచిపెట్టి, హాలౌమి చీజ్, పెరుగు, క్రీం ఫ్రైచే వంటి పాల ఉత్పత్తులను తీసుకోవడం ద్వారా, శాఖాహారులు తమ కార్బన్ పాదముద్రను పాక్షికంగా మాత్రమే మెరుగుపరుస్తున్నారని స్పష్టం చేశారు.
వారు డైరీ ఉత్పత్తులను తగ్గించడం, పండ్లు, కూరగాయల తీసుకోవడం పెంచడం, ప్రోటీన్, బలం కోసం రోజుకు ఒకసారి మాంసం తినడం మంచిదని పరిశోధన చూపిస్తుంది. వారు దీనిని “మూడింట రెండు వంతుల శాకాహారి” ఆహారంగా పిలుస్తారు. యుకెలో, సగటు ఆరోగ్యవంతమైన పాలతో కూడిన శాఖాహార ఆహారం కోసం 1,265.2 కిలోలతో పోలిస్తే. మూడింట రెండు వంతుల శాకాహారి ఆహారం ప్రతి వ్యక్తికి 762.7 కిలోల కార్బన్ డయాక్సైడ్ ఉద్గారాలకు సమానం అని పేర్కొన్నారు.
