ఢిల్లీ లిక్కర్ కేసులో కీలక పరిణామం చోటు చేసుకుంది. బి ఆర్‌ఎస్ ఎంఎల్‌సి కల్వకుంట్ల కవితను సిబిఐ ఇందులో నిందితురాలిగా పరిగణించింది. ఈ మేరకు కవితకు సిబిఐ నోటీసులు కూడా ఇచ్చింది. ఈ కేసులో ఫిబ్రవరి 26న విచారణకు రావాలని నోటీసుల్లో వెల్లడించింది.
ఢిల్లీ లిక్కర్ కేసులో కీలక పరిణామం చోటు చేసుకుంది. బి ఆర్‌ఎస్ ఎంఎల్‌సి కల్వకుంట్ల కవితను సిబిఐ ఇందులో నిందితురాలిగా పరిగణించింది. ఈ మేరకు కవితకు సిబిఐ నోటీసులు కూడా ఇచ్చింది. ఈ కేసులో ఫిబ్రవరి 26న విచారణకు రావాలని నోటీసుల్లో వెల్లడించింది.
ఈ కేసులో ఇప్పటికే కవితను సిబిఐ మూడుసార్లు ప్రశ్నించింది. లిక్కర్ కేసులో నిందితురాలిగా సెక్షన్ 41ఎ కింద నోటీసులు జారీ చేసింది. ఆ నోటీసులను సవరిస్తూ తాజాగా మరోసారి సిబిఐ నోటీసులు ఇచ్చింది. లిక్కర్ కేసులో సిబిఐ హైదరాబాద్‌లోని కవిత నివాసంలో ఆమెను విచారణ చే సి, ఆమె స్టేట్‌మెంట్ తీసుకున్న సంగతి తెలిసిందే.
ఇదే కేసులో ఎన్‌ఫోర్స్‌మెంట్ డైరెక్టరేట్ (ఇడి) కూడా కొన్నిసార్లు కవితను ఢిల్లీలోని తమ కార్యాలయానికి ఆహ్వానించి ప్రశ్నిం చింది. ఆఖరు సారి గత ఏడాది జనవరి 16న విచారణకు రావాల్సిందిగా కవితకు ఇడి నోటీసులిచ్చింది. అయితే ఇడి విచారణకు పిలవడాన్ని సవా లు చేస్తూ కవిత సుప్రీంకోర్టులో పిటిషన్ వేశారు.
ఆ పిటిషన్ పెండింగ్‌లో ఉన్నందున కవిత తాను విచారణకు హాజరు కాలేనని ఇడి అధికారులకు లేఖ రాశారు. ఆ తర్వాత ఇడి నుంచి కవితకు ఎలాంటి సమాధానం రాలేదు. సుప్రీంకోర్టులో కవిత పిటిషన్‌పై మళ్లీ ఈ నెల 28న విచారణ జరగనుంది.మహిళకు ఈడీ సమన్లు జారీ చేయకూడదని, ఆమె ఇంటి వద్దే ఆమెను విచారించాలని వాదిస్తూ కవిత గతంలో సుప్రీంకోర్టులో పిటిషన్ దాఖలు చేశారు. ఇదే తరహా పిటిషన్‌ను నళినీ చిదంబరం కూడా వేశారు. ఈ నేపథ్యంలో ఏడాదిగా ఈడీ సమన్ల నుంచి కవితకు రక్షణ లభిస్తుంది.
కాగా కవిత, నళినీ చిదంబరం కేసులు వేర్వేరని, రెండింటికీ ముడిపెట్టలేమని ఇటీవల సుప్రీంకోర్టు న్యాయమూర్తి జస్టిస్‌ బేలా త్రివేది స్పష్టం చేసి కవిత కేసు విచారణను ఫిబ్రవరి 28వ తేదీకి వాయిదా వేశారు. ఈ నేపథ్యంలో సీబీఐ ముందు ఈ నెల 26న హాజరు కావడంతో పాటు తర్వాతి రోజుల్లో ఈడీ ముందు కూడా ఆమె హాజరు కావాల్సి రావచ్చని న్యాయనిపుణులు భావిస్తున్నారు.
