మయన్మార్లో కొండ చరియలు విరిగిపడి ఒకరు ప్రాణాలు కోల్పోయారు. 25 మంది గాయపడగా.. మరో 70 మందికి పైగా గల్లంతయ్యారు. ఉత్తర మయన్మార్‌లోని కచిన్‌ రాష్ట్రం జడేమైన్‌ వద్ద బుధవారం తెల్లవారుజామున నాలుగు గంటలకు కొండచరియలు విరిగిపడ్డాయి.
వెంటనే రంగంలోకి దిగిన అధికారులు, పోలీసులు, రెస్క్యూ బఅందాలు గాయపడ్డ వారిని చికిత్స నిమిత్తం ఆస్పత్రికి తరలించారు. గల్లంతైన వారి కోసం సుమారు 200 మంది సహాయక సిబ్బంది గాలింపు చర్యలు చేపట్టారు. మరికొంత మంది సమీపంలోని సరస్సులో బోట్ల సాయంతో వెతుకుతున్నారు.
కొండచరియలు విరిగిపడటంతో తెల్లవారుజామున 70 మందికి పైగా మైనర్లు సరస్సులో కొట్టుకుపోయారని ఈ ప్రయత్నాన్ని సమన్వయం చేస్తున్న గయునార్ రెస్క్యూ టీమ్ అధికారి న్యో చావ్ తెలిపారు. లోనెఖిన్ గ్రామం చుట్టూ ఉన్న అనేక గనుల నుండి భూమి, వ్యర్థాలు 60 మీటర్లు (సుమారు 200 అడుగులు) ఒక కొండపైకి జారి మైనర్లను తాకినట్లు అతను చెప్పాడు.
కనీసం ఐదుగురు యువతులు, మూడు చిన్న దుకాణాలు కూడా బుధవారం కొండచరియలు విరిగిపడడంతో సమాధి అయ్యారు. జాడే కార్మికుడి మృతదేహం మధ్యాహ్నం నాటికి భారీ బురద నుండి బయటపడిందని న్యో చావ్ చెప్పారు.
కాగా, మయన్మార్‌లోని గనుల ప్రాంతాల్లో కొండచరియలు విరిగిపడి పదుల సంఖ్యలో జనాల ప్రాణాలు కోల్పోవడం నిత్యకృత్యంగా మారింది. కచిన్‌ రాష్ట్రంలో మొత్తం 300 గనులు ఉండగా.. ఎప్పుడూ ఏదో ఒక గని ప్రాంతంలో ఇలాంటి ప్రమాదాలు జరుగుతునే వున్నాయి.
