భారత్- రష్యా ప్రత్యేక వ్యూహాత్మక భాగస్వామ్యాన్ని మరింత బలోపేతం చేయడానికి భవిష్యత్ కార్యక్రమాలను అభివృద్ధి చేయడానికి భారత్ ప్రధానమంత్రి నరేంద్ర మోదీ, రష్యా అధ్యక్షుడు వ్లాదిమిర్ పుతిన్లు అంగీకరించారు. జనవరి 15న రెండు దేశాల మధ్య భవిష్యత్ కార్యక్రమాలపై ప్రధాని నరేంద్ర మోదీ రష్యా అధ్యక్షుడు వ్లాదిమిర్ పుతిన్తో మాట్లాడారు.
రెండు దేశాల మధ్య అత్యున్నత స్థాయి ద్వైపాక్షిక సహకారానికి, ప్రపంచ సమస్యలకు సంబంధించిన అనేక అంశాలపై మోదీ, పుతిన్లు సమీక్షించారు. 2024లో రష్యా బ్రిక్స్ అధ్యక్ష పదవికి మోదీ తన శుభాకాంక్షలు తెలియజేశారు. భారతదేశపు పూర్తి మద్దతుకు హామీ ఇచ్చారు. జనవరి 1, 2024 నుండి రష్యా బ్రిక్స్ అధ్యక్ష పదవిని చేపట్టింది.
గత నెలలో విదేశాంగ మంత్రి ఎస్. జైశంకర్ రష్యాను సందర్శించారు. ఈ సందర్భంగా ఆధునిక ఆయుధాల తయారీతో సహా సైనిక, సాంకేతిక సహకారాన్ని పెంచాలని ఇరు దేశాలు నిర్ణయించాయి. ఇటీవల అత్యున్నత స్థాయిలో ఇరు దేశాల మధ్య ద్వైపాక్షిక సంబంధాలపై ఇరు దేశాధినేతలు సమీక్షించారని విదేశాంగ మంత్రిత్వ శాఖ పేర్కొంది.
“వారు ద్వైపాక్షిక సంబంధాలలో పరిణామాలను సానుకూలంగా అంచనా వేశారు మరియు భారతదేశం-రష్యా ప్రత్యేక మరియు ప్రత్యేక వ్యూహాత్మక భాగస్వామ్యాన్ని మరింత బలోపేతం చేయడానికి భవిష్యత్ కార్యక్రమాల కోసం రోడ్మ్యాప్ను అభివృద్ధి చేయడానికి అంగీకరించారు” అని విదేశాంగ మంత్రి తెలిపారు.
