టీడీపీ, జనసేన కూటమి ఏకంగా 99 స్థానాలకు అభ్యర్థుల పేర్లను ప్రకటించాయి. ఇందులో 94 స్థానాల్లో తెలుగుదేశం పార్టీ, ఐదు స్థానాల్లో జనసేన అభ్యర్థులను ప్రకటించాయి. 24 అసెంబ్లీ, 3 లోక్ సభ స్థానాలలో పోటీ చేయనున్నట్లు ప్రకటించిన జనసేన.. ఐదు అసెంబ్లీ స్థానాలకు అభ్యర్థుల పేర్లను ప్రకటించింది. ఆ రెండు పార్టీల అధినేతలు చంద్రబాబు నాయుడు, పవన్ కళ్యాణ్ ఉమ్మడిగా ఈ జాబితాను ప్రకటించారు.
మిగిలిన అభ్యర్థులను త్వరలో ప్రకటించనున్నట్లు తెలిపారు. బిజెపితో పొత్తు విషయమై స్పష్టత వచ్చిన తరువాత రెండో జాబితాను విడుదల చేయనున్నారు. మాఘ పౌర్ణమి శుభదినాన శుభ ముహూర్తంలో టిడిపి-జనసేన పార్టీలు ఎన్నికల్లోకి వెళ్తుందని చంద్రబాబు నాయుడు తెలిపారు.
కేవలం 24 సీట్లేనా అని అనుకోవద్దని, విజయంలో 98 శాతం స్ట్రైక్ రేట్ కోసమే ఈ సీట్లు తీసుకున్నట్లు పవన్ కళ్యాణ్ వెల్లడించారు. 24 అసెంబ్లీ సీట్లతో పాటు.. 3 పార్లమెంట్ సీట్లను కూడా కలుపుకుంటే.. మొత్తంగా రాష్ట్రంలోని 40 నియోజక వర్గాల్లో జనసేన పోటీ చేస్తున్నట్లేనని పవన్ చెప్పారు.
అయితే 2019 ఎన్నికల్లో జనసేన కనీసం పది సీట్లైనా గెలుచుకుని ఉంటే ఇప్పుడు ఎక్కువ సీట్లను అడిగి తీసుకునే అవకాశం ఉండేదని పవన్ కల్యాణ్ అభిప్రాయపడ్డారు. అయితే తొలి జాబితాలో పవన్ కళ్యాణ్ పేరు లేదు. గత కొంతకాలంగా పవన్ కళ్యాణ్ భీమవరం నుంచి బరిలో ఉంటారనే ప్రచారం జరుగుతూ వస్తోంది.
తానెప్పుడూ ఇంతలా అభ్యర్థుల జాబితా విషయంలో కసరత్తు చేయలేదని చెబుతూ 1 కోటి 10 లక్షల మంది నుంచి అభిప్రాయ సేకరణ జరిపానని చంద్రబాబు తెలిపారు. టీడీపీలో ఇంత పెద్ద జాబితా ఇవ్వడం ఇదే మొదటిసారి అని పేర్కొన్నారు. విన్నింగ్ హార్స్లను, పార్టీ అంటే కమిట్మెంట్ ఉన్న వాళ్లకు కొంతమందికి ఇవ్వలేకపోయామని చెబుతూ వారందరినీ పిలిపించి మాట్లాడుతానని, వారందరికీ పార్టీ బాధ్యతలు ప్రస్తుతం అప్పగిస్తానని చంద్రబాబు వెల్లడించారు.
అధికారంలోకి వచ్చిన వెంటనే టికెట్ కేటాయించని అభ్యర్థులందరికీ పదవులు కూడా ఇస్తామని చంద్రబాబు పేర్కొన్నారు. అందరి అభిప్రాయాలు తీసుకున్న తరువాత మాత్రమే అభ్యర్థులను ఎంపిక చేశానని, కొత్త వారికి 23 మందిని అభ్యర్థులుగా ఎంపిక చేశామని తెలిపారు. బీజేపీతో పొత్తు విషయం చర్చలు జరుగుతున్నాయని చెబుతూ త్వరలోనే కొలిక్కి వస్తాయని పేర్కొన్నారు.
జనసేన అభ్యర్థులు(5)
- నెల్లిమర్ల – లోకం మాధవి
- అనకాపల్లి – కొణతాల రామకృష్ణ
- రాజానగరం – బత్తుల బలరామ కృష్ణ
- కాకినాడ రూరల్ – పంతం నానాజీ
- తెనాలి – నాదెండ్ల మనోహర్
టీడీపీ అభ్యర్థులు (94)(అసెంబ్లీ
- ఇచ్ఛాపురం- బెందాళం అశోక్
- టెక్కలి- కింజరాపు అచ్చన్ నాయుడు
- ఆమదాలవలస- కూన రవి కుమార్
- రాజం (ఎస్సీ)- కొండ్రు మురళీ మోహన్
- కురుపాం (ఎస్టీ) – తొయ్యక జగదేశ్వరి
- పార్వతీపురం (ఎస్సీ)- విజయ్ బోనెల
- సాలూరు (ఎస్) -గుమ్మడి సంధ్యా రాణి
- బొబ్బిలి- ఆర్ ఎస్ వి కె కె రంగారావు (బేబీ నయన)
- గజపతినగరం- కొండపల్లి శ్రీనివాస్
- విజయనగరం- పుష్పతి అదితి విజయలక్ష్మి గజపతిరాజు
- విశాఖపట్నం తూర్పు- వెలగపూడి రామ కృష్ణ బాబు
- విశాఖపట్నం పశ్చిమ- పిజివిఆర్ నాయుడు (గన్నబాబు)
- అరకు లోయ (ఎస్)- సియ్యారి దొన్ను దొర
- పాయకరావుపేట (ఎస్సీ)- వంగలపూడి అనిత
- నర్సీపట్నం- చింతకాయల అయ్యన్నపాత్రుడు
- తుని- యనమల దివ్య
- పెద్దాపురం- నిమ్మకాయల చిన్నరాజప్ప
- అనపర్తి- నల్లిమిల్లి రామ కృష్ణా రెడ్డి
- ముమ్మిడివరం – దాట్ల సుబ్బరాజు
- గన్నవరం (ఎస్సీ)- సరిపెల్ల రాజేష్ కుమార్
- కొత్తపేట- బండారు సత్యానందరావు
- మండపేట- వేగుళ్ల జోగేశ్వరరావు
- రాజమండ్రి సిటీ- ఆదిరెడ్డి వాసు
- జగ్గంపేట-జ్యోతుల వెంకటప్ప రావు (నెహూరు)
- ఆచంట -పితాని సత్యనారాయణ
- పాలకొల్లు- నిమ్మల రామానాయుడు
- ఉండి – మంతెన రామరాజు
- తణుకు- ఆరిమిల్లి రాధా కృష్ణ
- ఏలూరు – బడేటి రాధా కృష్ణ
- చింతలపూడి (ఎస్సీ) – సొంగ రోషన్
- తిరువూరు (ఎస్సీ) – కొలికపూడి శ్రీనివాస్
- నూజివీడు – కొలుసు పార్ధసారధి
- గన్నవరం – యార్లగడ్డ వెంకట్ రావు
- గుడివాడ – వెనిగండ్ల రాము
- పెడన – కాగిత కృష్ణ ప్రసాద్
- మచిలీపట్నం- కొల్లు రవీంద్ర
- పామర్రు (ఎస్సీ)- వర్ల కుమార రాజా
- విజయవాడ సెంట్రల్- బోండా ఉమ
- విజయవాడ తూర్పు- గద్దె రామ్మోహనరావు
- నందిగామ (ఎస్సీ)- తంగిరాల సౌమ్య
- జగ్గయ్యపేట -శ్రీరాం రాజగోపాల్ తాతయ్య
- తాడికొండ (ఎస్సీ) – తెనాలి శ్రావణ్ కుమార్
- మంగళగిరి – నారా లోకేష్
- పొన్నూరు – ధూల్లిపాళ్ల నరేంద్ర
- వేమూరు (ఎస్సీ)- నక్కా ఆనంద్ బాబు
- రేపల్లె – అనగాని సత్య ప్రసాద్
- బాపట్ల- వేగేశ్న నరేంద్ర వర్మ
- ప్రత్తిపాడు (ఎస్సీ)- బర్ల రామాంజనేయులు
- చిలకలూరిపేట- ప్రత్తిపాటి పుల్లారావు
- సత్తెనపల్లె – కన్నా లక్ష్మీనారాయణ
- వినుకొండ – జీవీ ఆంజనేయులు
- మాచర్ల- జూలకంటి బ్రహ్మానంద రెడ్డి
- యర్రగొండపాలెం (ఎస్సీ)- గూడూరి ఎరిక్షన్ బాబు
- పర్చూరు- ఏలూరి సాంబశివరావు
- అద్దంకి- గొట్టిపాటి రవి కుమార్
- సంతనూతల పాడు- బొమ్మాజీ నిరంజన్ విజయ్ కుమార్
- ఒంగోలు- దామచర్ల జనార్దనరావు
- కొండపి- డోల శ్రీ బాల వీరాంజనేయ స్వామి
- కనిగిరి – ముక్కు ఉగ్ర నరసింహ రెడ్డి
- కావలి- కావ్య కృష్ణా రెడ్డి
- నెల్లూరు నగరం- పి.నారాయణ
- నెల్లూరు రూరల్- కోటంరెడ్డి శ్రీధర్ రెడ్డి
- గూడూరు (ఎస్సీ) – పాసం సునీల్ కుమార్
- సూళ్లూరుపేట (ఎస్సీ) నెలవెల విజయశ్రీ
- ఉదయగిరి -కాకర్ల సురేష్
- కడప – మాధవి రెడ్డి
- రాయచోటి- మండిపల్లి రాంప్రసాద్ రెడ్డి
- పులివెందుల- మారెడ్డి రవీంద్రనాథ్ రెడ్డి
- మైదుకూరు – పుట్టా సుధాకర్ యాదవ్
- ఆళ్లగడ్డ – భూమా అఖిల ప్రియా రెడ్డి
- శ్రీశైలం- బుడ్డ రాజ శేఖర్ రెడ్డి
- కర్నూలు- టిజి భరత్
- పాణ్యం – -గౌరు చార్తిహా రెడ్డి
- నంద్యాల- మహమ్మద్ ఫరూఖ్
- బనగానపల్లె – బీసీ జనార్దన్ రెడ్డి
- డోన్- -కోట్ల సూర్య ప్రకాష్ రెడ్డి
- పత్తికొండ- కేఈ శ్యామ్ బాబు
- కోడుమూరు- బొగ్గుల దస్తగిరి
- రాయదుర్గం- కాల్వ శ్రీనివాసులు
- ఉరవకొండ – పి.కేశవ్
- తాడిపత్రి- జె. సి . అశ్మిత్ రెడ్డి
- సింగనమల (ఎస్సీ) – -బండారు శ్రావణి శ్రీ
- కళ్యాణదుర్గం – అమిలినేని సురేందర్ బాబు
- రాప్తాడు – పరిటాల సునీత
- మడకశిర (ఎస్సీ) – ఎం ఇ సునీల్ కుమార్
- హిందూపూర్- నందమూరి బాలకృష్ణ
- పెనుకొండ – సవిత
- తంబళ్లపల్లె – జయచంద్రారెడ్డి
- పీలేరు – నల్లారి కిషోర్ కుమార్ రెడ్డి
- నగరి – గాలి భాను ప్రకాష్
- గంగాధర నెల్లూరు- డాక్టర్ వి ఎం థామస్
- చిత్తూరు – గురజాల జగన్ మోహన్
- పలమనేరు- ఎన్.అమరనాథ్ రెడ్డి
- కుప్పం- నారా చంద్రబాబు నాయుడు
