మేఘాలయ గవర్నర్‌ సత్యపాల్‌ మాలిక్‌ చేసిన ఆరోపణలపై జమ్మూ కాశ్మీర్‌ ప్రభుతం సీబీఐ విచారణకు ఆదేశించింది. రెండు ఫైల్స్‌ క్లియర్‌ చేస్తే తనకు రూ.300 కోట్ల లంచం ఇవడానికి రెడీ అయ్యారని సత్యపాల్‌ మాలిక్‌ కొన్ని రోజుల క్రితం వ్యాఖ్యానించారు. ఆ ఫైల్స్‌లో ఒక ఫైల్‌ ఓ పారిశ్రామికవేత్తది కాగా, మరో ఫైల్‌ ఓ ఆర్‌ఎస్‌ఎస్‌ నేతదిగా ఆయన వెల్లడించారు.
సత్యపాల్‌ మాలిక్‌ జమ్మూ గవర్నర్‌గా ఉన్న సమయంలో ఆరోపణలు చేశారు. ఈ ప్రతిపాదనను తాను తిరస్కరించానని తెలిపారు. ఈ ఆరోపణలు పెద్ద దుమారాన్నే రేపాయి. ఈ విషయంపై విచారణ జరపాలని జమ్మూ కాశ్మీర్‌ ప్రభుత్వం సీబీఐకి సిఫార్సు చేసింది. ఈ విషయంపై పూర్తి విచారణ జరపాలని.. నిష్పక్షపాతంగా ఉండాలని జమ్మూ ప్రభుత్వం సీబీఐని కోరింది.
రాజస్థాన్ లో జరిగిన ఓ కార్యక్రమంలో జమ్మూ కాశ్మీర్‌ గవర్నర్‌ హోదాలో సత్యపాల్‌ మాలిక్‌ పాల్గొన్నారు. ఆ సమయంలో రూ.300 కోట్ల లంచం వ్యవహారం ప్రకటించారు. ఒక ఫైల్‌ అంబానీది అని, మరొకటి ఆర్‌ఎస్‌స్‌ నేతది అని పేర్కొన్నారు.
బీజేపీ, మెహబూబా ముఫ్తీ మంత్రివర్గంలోనూ అతను ఉన్నారని తెలిపారు. అతను ప్రధాని మోదీకి కూడా ఎంతో సన్నిహితుడని ఆరోపించారు. రూ.300 కోట్లు లంచం తిరస్కరించి, ఫైల్‌ను క్యాన్సల్‌ చేసినట్టు అప్పట్లో మాలిక్‌ చెప్పుకొచ్చారు. తాను 5 జతల బట్టలతోనే వచ్చానని, వాటితోనే వెళ్లిపోతానని వ్యాఖ్యానించారు.
