బ్రిటన్ ప్రధాని బోరిస్ జాన్సన్ రెండు రోజుల భారత్ పర్యటనలో భాగంగా శుక్రవారం ఢిల్లీకి చేరుకున్నారు. రాష్ట్రపతి భవన్ వద్ద బోరిస్‌కు ప్రధాని నరేంద్ర మోదీ ఘన స్వాగతం పలికారు. ఇద్దరు కలిసి రాజ్‌ఘట్‌ చేరుకున్నారు. అక్కడ మహాత్మ గాంధీకి నివాళులు అర్పించారు. వాస్తవానికి గత ఏడాదిన్నర కాలంలోనే బ్రిటన్ ప్రధాని బోరిస్ జూన్సన్ భారత పర్యటనకు రావాల్సి ఉండగా.. కరోనా, రష్యా ఉక్రెయిన్ యుద్ధం వంటి సంక్షోభాల నేపథ్యంలో పర్యటన వాయిదాపడుతూ వచ్చింది.
బోరిస్ జాన్సన్ రాష్ట్రపతి భవన్‌లో గౌరవ వందనం స్వీకరించారు. ఈ సందర్భంగా తనకు అద్భుత స్వాగతం పలికినందుకు మోదీకి బ్రిటన్ ప్రధాని ధన్యవాదాలు తెలిపారు. ‘భారత్- యూకే మధ్య పరిస్థితులు ఇంతకముందు కంటే ఇప్పుడు మరింత బలంగా, మంచిగా ఆన్నాయి’ అని బోరిస్ జాన్సన్ తెలిపారు.
బ్రిటన్ ప్రధానికి కలుసుకోవడం సంతోషంగా ఉందని ప్రధాని మోదీ హర్షం వ్యక్తం చేశారు. సుధీర్ఘకాలంగా ఎదురుచుస్తున్న నా స్నేహితుడు @ బోరిస్ జాన్సన్‌కు భారత్ లో చూడటం చాలా అద్భుతంగా ఉంది. చర్చలు కోసం ఎదురుచూస్తున్నాను’ అని ట్వీట్‌ చేశారు.
మోదీని కలవక ముందు.. నా స్నేహితుడితో సమావేశమయ్యేందుకు ఎదురు చూస్తున్నానని బోరిస్ ట్వీట్‌ చేశారు. నిరంకుశ రాజ్యాల నుంచి పెరుగుతోన్న బెదిరింపు వేళ.. వాతావారణ మార్పులు, ఇంధన భద్రత, రక్షణ వంటి అంశాల్లో మన ప్రజాస్వామ్య దేశాల భాగస్వామ్యం ముఖ్యమంటూ పేర్కొన్నారు.
ఇండో-ఫసిఫిక్‌ ప్రాంతంలో భద్రత పరంగా సహకారాన్ని అందించుకోవడం, ఇరు దేశాల మధ్య దౌత్య ఆర్థిక భాగస్వామ్యం వంటి అంశాలపై రెండు దేశాల ప్రధానులు చర్చించుకోనున్నారు. అలాగే బ్రిటన్ ప్రధాని బోరిస్ జాన్సన్‌తో విదేశాంగ మంత్రి జైశంకర్‌ సమావేశమయ్యారు.
గురువారం గుజరాత్ లో పర్యటించిన బ్రిటిష్ ప్రధాని సబర్మతి ఆశ్రయం సందర్శనతో తన పర్యటన ప్రారంభించారు. పలు కార్యక్రమాలలో పాల్గొని ఢిల్లీకి చేరుకున్నారు. ప్రధాని మోదీతో తన భేటీలో జాతీయ రాజధానిలోని జహంగీర్‌పురి కూల్చివేత డ్రైవ్‌తో సహా “కష్టమైన సమస్యలను” లేవనెత్తుతానని జాన్సన్ ఈ సందర్భంగా సంకేతం ఇచ్చారు.
“మేము ఎల్లప్పుడూ క్లిష్ట సమస్యలను లేవనెత్తాము, వాస్తవానికి మేము చేస్తాము, కానీ వాస్తవం ఏమిటంటే భారతదేశం 1.35 బిలియన్ల జనాభా కలిగిన దేశం. ఇది ప్రపంచంలోనే అతిపెద్ద ప్రజాస్వామ్యం” అని కొత్త బుల్డోజర్ ఫ్యాక్టరీని సందర్శించిన సందర్భంగా గుజరాత్ లో మీడియాతో మాట్లాడుతూ చెప్పారు.
అహ్మదాబాద్‌లో అదానీ గ్రూప్ చైర్మన్ గౌతమ్ అదానీని కలిశారు. సమావేశానికి సంబంధించిన ఫోటోను ట్విట్టర్‌లో షేర్ చేస్తూ, అదానీ ఇలా వ్రాశాడు: “గుజరాత్‌ను సందర్శించిన మొదటి బ్రిటన్ ప్రధాని బోరిస్ జాన్సన్ అదానీ హెచ్‌క్యూలో ఆతిథ్యం ఇవ్వడం గౌరవంగా ఉంది”.
“పునరుత్పాదక, గ్రీన్ హెచ్2, కొత్త శక్తిపై దృష్టి సారించి వాతావరణం, సుస్థిరత ఎజెండాకు మద్దతు ఇవ్వడం ఆనందంగా ఉంది. డిఫెన్స్, ఏరోస్పేస్ టెక్నాలజీలను సహ-సృష్టించడానికి బ్రిటిష్ కంపెనీలతో కూడా పని చేస్తుంది. గుజరాత్ ముఖ్యమంత్రి భూపేంద్ర పటేల్‌తో కలిసి జేసీబీ ఫ్యాక్టరీని సందర్శించారు.
ఏడాది చివరి నాటికి భారత్‌తో బ్రిటన్ మరో స్వేచ్ఛా వాణిజ్య ఒప్పందాన్ని పూర్తి చేస్తుందని ఆశిస్తున్నట్లు జాన్సన్ ఈ సందర్భంగా తెలిపారు. బ్రిటన్, భారతీయ వ్యాపారాలు సాఫ్ట్‌వేర్ ఇంజనీరింగ్ నుండి ఆరోగ్యం వరకు £1 బిలియన్ కంటే ఎక్కువ విలువైన పెట్టుబడులు మరియు ఎగుమతి ఒప్పందాలను ప్రకటించబోతున్నాయి.
సైన్స్, టెక్ సహకారాలు, డిజిటల్ హెల్త్ పార్టనర్‌షిప్ మరియు భారతీయ డీప్-టెక్ , ఎ1 స్టార్టప్‌ల కోసం ఉమ్మడి పెట్టుబడి నిధి, రెండు ప్రభుత్వాల మద్దతు; బ్రిటిష్ ప్రభుత్వం చెవెనింగ్ ప్రోగ్రామ్ మరియు భారతదేశం యొక్క అదానీ గ్రూప్ సంయుక్తంగా నిధులు సమకూర్చిన భారతీయ విద్యార్థుల కోసం కొత్త ఎ1 స్కాలర్‌షిప్‌లు; బ్రిటన్ లో సెంటర్ ఆఫ్ ఎక్సలెన్స్‌ని తెరవడానికి ఎ1 హెల్త్‌కేర్ స్పెషలిస్ట్‌లు ద్వారా £6 మిలియన్ల పెట్టుబడిని ప్రకటించబోతున్నారు.
