ద్వేషపూరిత ప్రసంగాలు మన దేశ సంస్కృతి, రాజ్యాంగం, ధర్మాలకు విరుద్ధమని పేర్కొంటూ “ప్రతి వ్యక్తికి తన విశ్వాసాన్ని ఆచరించడానికి, బోధించడానికి హక్కు ఉంది” అని ఉపరాష్ట్రపతి ఎం వెంకయ్యనాయుడు హితవు చెప్పారు.
కేరళలోని కొట్టాయంలో సెయింట్ కురియాకోస్ ఎలియాస్ చవర 150వ వర్ధంతి సందర్భంగా జరిగిన కార్యక్రమంలో ప్రసంగిస్తూ, “ద్వేషపూరిత ప్రసంగాలు, రచనలు (దేశం) సంస్కృతి, వారసత్వం, సంప్రదాయం, రాజ్యాంగ హక్కులు, ధర్మాలకు విరుద్ధం అని స్పష్టం చేశారు. ప్రతి వ్యక్తికి దేశంలో తన విశ్వాసాన్ని ఆచరించడానికి, బోధించడానికి హక్కు ఉంది అని త్లెఇపారు.
“మీ మతాన్ని ఆచరించండి, కానీ ద్వేషపూరిత ప్రసంగాలు, రాతలను దుర్వినియోగం చేయవద్దు,” అని అతను చెప్పారు. “ఇతర మతాలను అపహాస్యం చేయడం, సమాజంలో విభేదాలను సృష్టించే ప్రయత్నాలను తిరస్కరించాలి” అని ఆయన పిలుపిచ్చారు.
19వ శతాబ్దపు కాథలిక్ మతగురువు, తత్వవేత్త, సంఘ సంస్కర్త అయిన సెయింట్ చవర గురించి మాట్లాడుతూ, “శాంతియుతమైన మానవ సంబంధాలు అన్నింటికంటే పవిత్రమైనవని, అన్నింటికంటే ముఖ్యమైనవని మనకు బోధించారు” అని తెలిపారు.
ఈ రోజు, ప్రతి సమాజంలో మనకు చావరా కావాలి అని చెబుతూ మహోన్నతమైన వ్యక్తి. సామాజికంగా, సాంస్కృతికంగా సమాజంలోని అన్ని వర్గాలను ఏకం చేసి, దేశాన్ని ముందుకు తీసుకెళ్లాలనే దృక్పథంతో మణిచేసే మహోన్నత వ్యక్తుల అవసరం ఉన్నదని పేర్కొన్నారు.
చిన్నతనం నుండే సేవా స్ఫూర్తిని పెంపొందించుకోవాల్సిన అవసరం ఉందని చెబుతూ కరోనా మహమ్మారి ముగిసిన తర్వాత, ప్రభుత్వ, ప్రైవేట్ పాఠశాలలు విద్యార్థులకు కనీసం 2-3 వారాల పాటు సమాజ సేవను తప్పనిసరి చేయాలని ఉపరాష్ట్రపతి సూచించారు.
భాగస్వామ్యం, శ్రద్ధ వహించే తత్వశాస్త్రం భారతదేశ పురాతన సంస్కృతిలో ప్రధానమైనదని పేర్కొంటూ దానిని విస్తృతంగా ప్రచారం చేయాలని ఆయన చెప్పారు. “విశ్వజనీత ఆదర్శమైన ‘వసుధైవ కుటుంబకం’లో నిక్షిప్తమైన విధంగా మనకు ప్రపంచం అంతా ఒకే కుటుంబం. ఈ స్ఫూర్తితోనే మనం కలిసికట్టుగా ముందుకు సాగాలి” అని పేర్కొన్నారు.
సెయింట్ చవరానికి నివాళులు అర్పిస్తూ “కేరళలోని ఈ దిగ్గజ ఆధ్యాత్మిక, సామాజిక నాయకుడుని ఆయన జీవితకాలంలో ప్రజలు సన్యాసిగా భావించారు, ఈ పదం ప్రతి కోణంలోనూ నిజమైన దార్శనికుడు” అని ఉపరాష్ట్రపతి కొనియాడారు.
సెయింట్ చవరపు సామాజిక, విద్యా సేవలు కేవలం తన సమాజానికి మాత్రమే పరిమితం కాలేదని ఆయన గుర్తు చేశారు. 1846లో, కాథలిక్ పూజారి, “ఓపెన్ మైండెడ్ నెస్ ఆఫ్ విజన్”ని ప్రదర్శిస్తూ, కొట్టాయంలోని మన్ననంలో సంస్కృత పాఠశాలను ప్రారంభించినట్లు నాయుడు చెప్పారు.
.
